Երևանում մեծ շուքով կտոնվի Առնո Բաբաջանյանի ծննդյան 100-ամյակը
Հայաստանի պետական սիմֆոնիկ նվագախումբը մարտի 18-ին ժամը 19:30-ին‚ «Արամ Խաչատրյան» համերգասրահում հանդես կգա Առնո Բաբաջանյանի ծննդյան 100-ամյա հոբելյանին նվիրված համերգով։
Ինչպես հայտնում են ԿԳՄՍ նախարարությունից, Հայաստանի պետական սիմֆոնիկ նվագախմբի հետ հանդես կգան դաշնակահար Ալեքսանդր Գինդինը‚ սոպրանո Սիրանուշ Գասպարյանը‚ բարիտոններ Իլյա Կուզմինը և Գևորգ Հակոբյանը։
Համերգը կղեկավարի դիրիժոր Սերգեյ Սմբատյանը։
Մեծանուն կոմպոզիտորի հոբելյանին նվիրված համերգին կհնչեն նրա ստեղծագործություններից՝
«Հերոսական բալլադ» դաշնամուրի և նվագախմբի համար‚
«Հորժամ»՝ հոգևոր երգ սոպրանոյի և լարային նվագախմբի համար‚
Նոկտյուրն դաշնամուրի և նվագախմբի համար‚
«Իմ սիրտը լեռներում է» կինոֆիլմից երաժշտություն‚
Արիա-վոկալիզ սոպրանոյի և լարային նվագախմբի համար‚
«Առաջին սիրո երգը» բարիտոնի և նվագախմբի համար‚
«Ճակատագիր»՝ երգ բարիտոնի և նվագախմբի համար‚
«Քո հետքերը»՝ երգ բարիտոնի և նվագախմբի համար‚
«Սատանու անիվ»՝ երգ բարիտոնի և նվագախմբի համար‚
«Անուրջներ»՝ պիես դաշնամուրի և նվագախմբի համար։
Համերգը տեղի կունենա ՀՀ կրթության, գիտության, մշակույթի և սպորտի նախարարության աջակցությամբ, «Երաժիշտները հանուն խաղաղության» միջազգային նախագծի և «Դիալոգ» հասարակական կազմակերպության համագործակցությամբ։