նորություններ | Իրադարձություններ | Հասարակություն | Քաղաքականություն

Մեզ փողոցում նայում են ատելությամբ, զայրույթով. Մխիթար Հայրապետյան

“Երբ մենք դուրս ենք գալիս փողոց, ոչ թե միայն ինձ են խեթ հայացքով մեր հայրենակիցները նայում՝ և՛ ատելությամբ, և՛ զայրույթով, այլ՝ մենք բոլորս իրար:

Այս մասին խորհրդարանում հայտարարել է իմքայլական պատգամավոր, Սփյուռքի նախկին նախարար Մխիթար Հայրապետյանը:

«Մենք դադարել ենք իրար վստահելուց, բոլորը բոլորին են համարում թշնամի։ Կեղծ է, երբ մենք ասում ենք, որ թուրքն է մեր թշնամին, դա կեղծ օրակարգ է:

Այն, որ թուրքն է թշնամին, ադրբեջանցին է թշնամին, երեկ վարչապետը հանգամանալից խոսեց այդ մասին: Բոլորը բոլորին թշնամի են համարում, բոլորը բոլորին դավաճան են անվանում»,-ասել է պատգամավորը:

Նրա խոսքով, «դավաճան» բառն իր համար միշտ եղել է դժվար բառ, դժվարամարս մեղադրանք, բայց այսօր այն մոդայիկ է դարձել.

«Մենք չենք գիտակցում, թե ինչ ենք անում, ինչ ենք խոսում: Չկա վստահություն, մենք դա պետք է վերականգնենք»:

Similar Posts